"Тоттенхэм" бош мураббийи ёрдамчиси Кристиан Стеллини Англия Премьер-лигасининг 23-тури доирасидаги "Лестер"дан 1:4 ҳисобида учралган мағлубиятга изоҳ берди.
“Ўйинга ёндашувимиз унчалик ёмон эмас эди. Гол урдик ва ўша пайтда яққол устунликка эга бўлдик. Аммо кейин нимадир ўзгарди: гол урилганидан кейин биз 10 ёки 12 бор тўпни йўқотдик. Хафсаламиз пир бўлди. Биз узр сўрашимиз керак, чунки бизнинг ўйинимиз етарли даражада яхши эмас эди. Ўтган сафар биз ажойиб ғалаба қозонган эдик. Биз ишимизда изчил бўлишимиз керак", — деб Стеллини сўзларини келтиради BBC.
