"Реал Мадрид" вингери Винисиус Жуниор ўзининг шахсий мукофотлари тўпламини тўлдирди.
22 ёшли футболчи клублар ўртасидаги жаҳон чемпионатининг финал учрашувида "қаймоқранглилар" "Ал-Ҳилол"ни 5:3 ҳисобида мағлубиятга учратган ўйинда иккита гол урди ва битта голли узатмани амалга оширди. Ярим финалнинг “Ал-Аҳли”га қарши учрашувида (4:1) бразилиялик футболчи битта гол урган эди.
Ҳал қилувчи ўйиндан сўнг дарҳол Винисиусга клублар ўртасидаги жаҳон чемпионатининг "Олтин тўпи" топширилди. Бу турнирнинг энг яхши ўйинчисига бериладиган совриндир.
Мусобақанинг энг яхши тўпурари Бразилиянинг "Фламенго" жамоаси вакили Педро бўлди. У тўртта гол урди.
