Кеча, 11 февраль куни клублар ўртасидаги жаҳон чемпионати финал учрашуви якунига етди, унда Мадриднинг «Реал» клуби Саудия Арабистонининг «Ал-Ҳилол» жамоаси билан тўқнаш келди.

Жамоалар Работдаги (Марокаш) «Шаҳзода Мулла Абдулла Арена»да майдонга тушишди. Учрашувни Энтони Тейлор бошчилигидаги англиялик ҳакамлар бригадаси бошқариб борди.

Мадридликлар 5:3 ҳисобида рақибидан устун келди. Карло Анчелотти шогирдлари ушбу турнирда 5 марта ғалаба қозонишди.

Карим Бензема учун бу соврин мадридликлар жамоасида қўлга киритилган 25-ютуқ бўлди. Бу кўрсаткич бўйича 35 ёшли франциялик футболчи «Реал»нинг собиқ ҳимоячиси Марселони ортда қолдирди. «Реал Мадрид» тарихида ҳеч бир футболчи жамоа билан бунча кўп соврин ютмаган.