Мадриднинг «Реал» клуби «ПСЖ»нинг ҳужумчи Винисиус Жуниорни сотиб олиш борасидаги таклифини рад этди, деб хабар беради Испаниянинг El Nacional нашри.
Манбага кўра, парижликлар бразилиялик футболчи учун 135 миллион евродан кўпроқ пул таклиф қилган, бироқ Мадрид клуби президенти Флорентино Перес дарҳол «йўқ» жавобини берган.
Жуниор 2018 йилдан бери «Реал»да тўп тепади. Шартнома 2024 йилнинг ёзига қадар мўлжалланган.
Жорий мавсумда 22 ёшли ҳужумчи жамоа сафида барча турнирлар доирасида 33 та ўйинда майдонга тушиб, 16 та гол урди ва 7 та голли узатмани амалга оширди.
