«Торино» ярим ҳимоячиси Никола Влашичнинг агенти Тончи Мартич мижозининг келажаги ҳақида гапирди.

«Торино» Влашични «Вест Хэм»дан сотиб оладими? Ҳали билмайман. Уларда бу масалани ҳал қилиш учун ҳали вақт бор. Айтишим мумкинки, Никола «Торино»да бахтли ва бу клубда қолишни хоҳлайди», - дея Мартичнинг сўзларини келтиради РБ Спорт.

Эслатиб ўтамиз, Турин клуби Влашични «Вест Хэм»дан ижарага олган эди. Аввалроқ, ОАВда Лондон клуби ижарадаги футболчисини муддатидан аввал қайтариб олмоқчилиги ҳақида маълумотлар пайдо бўлганди. Бироқ ярим ҳимоячининг ўзи жамоага қайтишни истамаяпти.

2022/23 йилги мавсумда 25 ёшли хорватиялик барча мусобақаларда 25 та ўйинда майдонга тушиб, 4 та гол ва шунча голли узатмани амалга оширди.