«Torino» yarim himoyachisi Nikola Vlashichning agenti Tonchi Martich mijozining kelajagi haqida gapirdi.
«Torino» Vlashichni «Vest Xem»dan sotib oladimi? Hali bilmayman. Ularda bu masalani hal qilish uchun hali vaqt bor. Aytishim mumkinki, Nikola «Torino»da baxtli va bu klubda qolishni xohlaydi», - deya Martichning so‘zlarini keltiradi RB Sport.
Eslatib o‘tamiz, Turin klubi Vlashichni «Vest Xem»dan ijaraga olgan edi. Avvalroq, OAVda London klubi ijaradagi futbolchisini muddatidan avval qaytarib olmoqchiligi haqida ma’lumotlar paydo bo‘lgandi. Biroq yarim himoyachining o‘zi jamoaga qaytishni istamayapti.
2022/23 yilgi mavsumda 25 yoshli xorvatiyalik barcha musobaqalarda 25 ta o‘yinda maydonga tushib, 4 ta gol va shuncha golli uzatmani amalga oshirdi.
