Англия Премьер-лигасининг 23-туридан ўрин олган учрашувда “Манчестер Сити” “Астон Вилла”ни ишончли тарзда мағлуб этди. Фаворит учта гол урди, бунга "Астон Вилла" фақат Олли Уоткинснинг голи билан жавоб бера олди.
"Манчестер Сити"нинг германиялик ярим ҳимоячиси, Хосеп Гвардиола бошқарувига келганидан бери жамоанинг бир қисми бўлган Илкай Гюндоган ўйин ҳақида фикр билдирди. Унинг фикрича, жамоа кейинги ўйин ҳақида ўйлаши керак, чунки "шаҳарликлар" кейинги турда Лондоннинг “Арсенал” клуби билан ўйнайди.
"Бугун уч очко яхши, аммо "Арсенал"га қарши ўйин бутунлай бошқача бўлади. Айни дамда инглиз футболининг икки энг яхши жамоаси тўқнаш келади" - деди Гюндоган Sky билан суҳбатда.
