Нигериялик машҳур футбол афсонаси Жей Жей Окоча ватандоши Аҳмад Муса ҳақида фикр билдирди.
"Аҳмад Муса нафақат буюк футболчи, балки Африка элчиси ҳамдир. У Африканинг кўплаб мамлакатларига ёрдам беради, Россияда эса у ўзининг яхши тезлиги ва голлари билан ҳамма томонидан ёдга олинади", - деди "ПСЖ"нинг собиқ футболчиси "Спорт24" нашрига берган интервьюсида.
Собиқ ярим ҳимоячининг сўзларига кўра, Муса африкалик футболчиларга Россияга бориши мумкинлиги ҳақида ўрнак кўрсатмоқда.
Эслатиб ўтамиз, Аҳмад Муса Россия Премьер-лигасида икки бор ЦСКА сафида ўйнаб, барча мусобақаларда "ҳарбийлар" либосида 185та ўйин ўтказиб, 62та гол урган.
