"Ливерпуль" Юрген Клопп ўрнига италиялик мутахассисни таклиф қилиши мумкин, деб хабар бермоқда Calciomercatoweb нашри.
Гап "Наполи" устози Лучано Спалетти ҳақида кетмоқда.
Клопп жамоанинг жорий мавсумдаги ёмон ўйинидан сўнг, "қизиллар" раҳбарияти томонидан истеъфога чиқарилиши мумкин. Немис мутахассисининг "мерсисайдликлар" билан шартномаси 2026 йилнинг ёзида якунига етади.
Ўз навбатида, Спалетти 2021 йилнинг июлидан бери "Наполи" бош мураббийи ҳисобланади. Унинг неаполликлар билан шартномаси жорий мавсум охирида якунига етади.