"Бавария" ҳужумчиси Кингсли Коман ЕЧЛ 1/8 финалида "ПСЖ" билан бўлажак учрашувдан умидлари билан ўртоқлашди.
"Биз сўнгги учта ўйинда ғалаба қозондик ва бу ўйинга шундай ёндашишимиз керак. Футболда ҳар доим ёмон даврлар бўлади. "ПСЖ" ажойиб жамоа бўлишига қарамай, Чемпионлар лигасида ҳамма нарса мумкин. Лекин умид қиламанки, эртага биз ҳам охирги учрашувлардаги каби ўзимизни майдонда яхши кўрсата оламиз.
2020 йилда "ПСЖ" билан финалдаги ғалабали голим? Ҳа, бу фаолиятимдаги энг ажойиб лаҳзалардан бири эди. Бу ажойиб хотира эди. Парижликлар сафида ўтказган вақтимни ҳам мамнуният билан эслайман", — дея Команнинг сўзларини келтиради Мюнхеннинг ижтимоий тармоқлардаги расмий саҳифаси.
