Хави ва Жорди Альба ўртасидаги зиддият тугади.
Олдинроқ “Барселона” ҳимоячиси ва бош мураббий ўртасидаги муносабатлар ўтган ёзда ёмонлашгани, клуб “Интер” билан Альбани ижарага беришга келишиб олгани, бироқ футболчи музокаралар ҳақида ҳеч нарса билмагани учун трансфердан бош тортгани ҳақида хабар берилганди.
AS нашри хабарига кўра, Альба энди мураббий билан келишган ва Хави билан вазиятни муҳокама қилган.
Жорий мавсумда Альба "Барса" сафида барча мусобақаларда 19 та ўйинда майдонга тушиб, 1 та гол ва 6 та голли узатмани амалга оширди.
