Франциялик машҳур собиқ футболчи Самир Насри Зинедин Зиданнинг мураббийлик фаолияти ҳақида ўз фикрлари билан ўртоқлашди.
50 ёшли мутахассис 2021 йилнинг ёзида «Реал»ни тарк этганидан бери мураббийлик ишига эга эмас эди.
Жорий мавсум бошланишидан олдин Зидан «ПСЖ» мураббийига айланиши мумкин эди, аммо миш-мишлар ўз кучида қолди холос. Кристоф Галтье ҳозир ушбу лавозимда ишламоқда.
«Зидан пул учун ишламайди - унинг учун лойиҳанинг ўзи муҳимроқ, клуб унинг юрагига яқин бўлиши керак. Англияда ишлаш, албатта, у учун эмас ва бу фақат тил билан боғлиқ эмас.
Ўйлайманки, у клуб амбицияларини инобатга олган ҳолда «Марсел»ни бошқариши мумкин. У Марселда туғилган ва шунинг учун ҳам «ПСЖ»га ўтмади», дея Насрининг сўзларидан иқтибос келтирмоқда CalcioNews24.
