"Барселона" ҳужумчиси Ансу Фатига Англия Премьер-лигасининг топ-клублари қизиқиш билдирмоқда.
Яқинда "кўк-анорранглилар" бош мураббийи Хави Эрнандес Фати унинг кетиши ҳақидаги миш-мишларга жавоб бериб, сотилмаслигини айтганди. 20 ёшли футболчи билан хайрлашишни истамаганига қарамай, фойдали таклиф Каталония грандини ўз позициясини ўзгартиришга мажбур қилиши мумкин.
Журналист Бен Жейкобснинг ёзишича, “Ливерпуль”, “Манчестер Юнайтед” ва “Арсенал” клублари аллақачон ёш ҳужумчининг атрофидагилар билан боғланишган, бироқ ҳозирча “Барселона” билан ҳозирча боғланишмаган. Потенциал трансфер нархи 100 миллион евродан ошиқроқ баҳоланмоқда.
Transfermarkt Ансу Фатини 50 млн еврога баҳоламоқда.
