"Барселона" бош мураббийи Хави "Манчестер Юнайтед"га қарши Европа лигаси ўйини олдидан матбуот анжуманида ўз фикрларини билдириб ўтди. Ёш мутахассис "қизил иблислар"нинг ёзда ярим ҳимоячи Френки де Йонгга бўлган қизиқиши ҳақида фикр билдирди.
“У биз билан қолмоқчи эди, бунга ҳеч қандай шубҳа йўқ. Ҳозир у биз билан, унинг ўйини ва етакчилик фазилатларидан мамнунман. Менимча, у майдонда ҳузурланмоқда ва бу энг муҳими”, деди Хави журналистларга.
"Барселона" ва "Манчестер Юнайтед" ўртасидаги Европа лигаси плей-офф босқичининг биринчи ўйини 16 февраль куни Тошкент вақти билан соат 22:45да бошланади.
