«Ювентус» бош мураббий Массимилиано Аллегри олдига вазифа қўйди. La Gazzetta dello Sport хабарига кўра, Турин клуби раҳбарлари жамоанинг жорий мавсумда Европа лигасида ғолиб чиқишини истамоқда.

Европа лигасидаги ғалаба Чемпионлар лигасига тўғридан-тўғри йўлланма беради. «Ювентус» учун бу муҳим, чунки молиявий фирибгарлик учун 15 очко айириб ташлангач, жамоада 4-ўринни эгаллаш имконияти кўп эмас.

Айни дамда «кекса синёра» жадвалнинг тўққизинчи поғонасида жойлашган. «Ювентус» 4-ўриндан 12 очко ортда қолмоқда.

Массимилиано Аллегри шогирдлари Европа лигасининг плей-офф босқичида «Нант»га қарши баҳс олиб боради.