«Yuventus» bosh murabbiy Massimiliano Allegri oldiga vazifa qo‘ydi. La Gazzetta dello Sport xabariga ko‘ra, Turin klubi rahbarlari jamoaning joriy mavsumda Yevropa ligasida g‘olib chiqishini istamoqda.
Yevropa ligasidagi g‘alaba Chempionlar ligasiga to‘g‘ridan-to‘g‘ri yo‘llanma beradi. «Yuventus» uchun bu muhim, chunki moliyaviy firibgarlik uchun 15 ochko ayirib tashlangach, jamoada 4-o‘rinni egallash imkoniyati ko‘p emas.
Ayni damda «keksa sinyora» jadvalning to‘qqizinchi pog‘onasida joylashgan. «Yuventus» 4-o‘rindan 12 ochko ortda qolmoqda.
Massimiliano Allegri shogirdlari Yevropa ligasining pley-off bosqichida «Nant»ga qarshi bahs olib boradi.
