Мюнхеннинг “Бавария” клуби мухлислари Чемпионлар лигасининг 1/8 финали доирасидаги Франциянинг “ПСЖ” клуби билан сафар учрашуви (1:0) учун чипталар нархидан норози бўлишди.
Кеча, 14 февраль куни Парижда бўлиб ўтган ўйинда мюнхенлик мухлислар "70 евроми? Биз Неймар эмасмиз! 20 жуда кўп! Жин урсин, "ПСЖ"! - деган ёзувлари бор баннерлардан фойдаланишди.
Эслатиб ўтамиз, "Бавария"га ғалабани "ПСЖ" тарбияланувчиси бўлган франциялик вингер Кингли Команнинг голи олиб келди. "Бавария"га қарши ўйинда парижликлар ҳужумчиси Килиан Мбаппенинг иккита голи ҳисобга олинмади. Иккала ҳолатда ҳам гол офсайд туфайли бекор қилинди. Икки ўйиндан иборат қарама-қаршиликнинг иккинчи учрашуви 8 март куни Мюнхенда бўлиб ўтади.
