“Манчестер Сити” Англия Премьер-лигаси 12-турининг қолдирилган баҳсида сафарда чемпионлик пойгасидаги асосий рақиби “Арсенал”ни мағлуб этди. Бироқ, бу ўйинда “канонирлар” мухлислари фахрланиши мумкин бўлган бир нарса бор – “шаҳарликлар” ўйин давомида бор йўғи 36 фоиз тўп билан ҳаракат қилишди. Бу Гвардиола "Сити"га келганидан буён энг паст кўрсаткич. Қизиқарли фактни OPTA баҳам кўради.
Эслатиб ўтамиз, "Эмирейтс"даги ғалаба "Манчестер Сити"га очколар сони бўйича "Арсенал" билан тенглашиб, АПЛ турнир жадвалида биринчи ўринни эгаллаш имконини берди. Ҳозирда иккала жамоада ҳам 51 очко бор, аммо “канонирлар”нинг яна бир захира ўйини бор.
АПЛнинг навбатдаги турида “шаҳарликлар” сафарда “Ноттингем Форест” билан тўқнаш келишса, “Арсенал” Бирмингемда “Астон Вилла” уйида меҳмон бўлади.
