Неймар "Бавария"дан учралган мағлубиятнинг (0:1) эртасига покер турнирида иштирок этди.

RMC Sport хабарига кўра, "ПСЖ" ҳужумчиси Парижда бўлиб ўтган European Poker Tour турнирида иштирок этган. Чоршанба куни бразилиялик Париждаги Hyatt Concorde меҳмонхонасида бўлиб ўтаётган турнирда покер столида кўринди.

Турнирда қатнашиш учун 10 минг евро тўлаш керак эди. Қайд этилишича, Неймар мағлубиятдан сўнг тезда асосий турнирни тарк этган бўлса-да, турнирнинг иккинчи кунида саралашдан чиқишни уддалади.

Неймар кейинги босқичга йўл олган 45 нафар иштирокчи орасида эди. Турнирда жами 71 киши иштирок этди.

Покер турнири бошланишига бир кун қолганида “ПСЖ” Чемпионлар лигаси 1/8 финалининг илк учрашувида “Бавария”га (0:1) имкониятни бой берди.