Neymar "Bavariya"dan uchralgan mag‘lubiyatning (0:1) ertasiga poker turnirida ishtirok etdi.

RMC Sport xabariga ko‘ra, "PSJ" hujumchisi Parijda bo‘lib o‘tgan European Poker Tour turnirida ishtirok etgan. Chorshanba kuni braziliyalik Parijdagi Hyatt Concorde mehmonxonasida bo‘lib o‘tayotgan turnirda poker stolida ko‘rindi.

Turnirda qatnashish uchun 10 ming yevro to‘lash kerak edi. Qayd etilishicha, Neymar mag‘lubiyatdan so‘ng tezda asosiy turnirni tark etgan bo‘lsa-da, turnirning ikkinchi kunida saralashdan chiqishni uddaladi.

Neymar keyingi bosqichga yo‘l olgan 45 nafar ishtirokchi orasida edi. Turnirda jami 71 kishi ishtirok etdi.

Poker turniri boshlanishiga bir kun qolganida “PSJ” Chempionlar ligasi 1/8 finalining ilk uchrashuvida “Bavariya”ga (0:1) imkoniyatni boy berdi.