"Барселона" бош мураббийи Хави ўз жамоасини Европа лигасида фаворит деб ҳисобламаслигини айтди. “Кўк-анорранглилар” турнирнинг 1/16 финал босқичида “Манчестер Юнайтед”га қарши майдонга тушади.
“Европа лигаси менга жуда қийин турнирдек туюлади. "Барселона"ни фаворит деб ўйламайман. Агар кутилмаган ҳодисалар бўлмаса, кўп нарса "Олд Траффорд"да ҳал бўлади. Ҳар иккала ўйин ҳам жуда тенг бўлишини кутаман. Биз иккинчи ўйинни меҳмонда ўтказганимиз ачинарли, аммо шундай бўлади", - деди Хави.
Бугун, 16 февраль куни Европа Лигаси 1/16 финал босқичининг биринчи ўйини “Барселона” – “Манчестер Юнайтед” бўлиб ўтади.
