"Barselona" bosh murabbiyi Xavi o‘z jamoasini Yevropa ligasida favorit deb hisoblamasligini aytdi. “Ko‘k-anorranglilar” turnirning 1/16 final bosqichida “Manchester Yunayted”ga qarshi maydonga tushadi.
“Evropa ligasi menga juda qiyin turnirdek tuyuladi. "Barselona"ni favorit deb o‘ylamayman. Agar kutilmagan hodisalar bo‘lmasa, ko‘p narsa "Old Trafford"da hal bo‘ladi. Har ikkala o‘yin ham juda teng bo‘lishini kutaman. Biz ikkinchi o‘yinni mehmonda o‘tkazganimiz achinarli, ammo shunday bo‘ladi", - dedi Xavi.
Bugun, 16 fevral kuni Yevropa Ligasi 1/16 final bosqichining birinchi o‘yini “Barselona” – “Manchester Yunayted” bo‘lib o‘tadi.
