“Астон Вилла” бош мураббийи Унаи Эмери Туриннинг “Ювентус” клубининг Европа лигасида ғалаба қозониш имкониятларига баҳо берди. Эслатиб ўтамиз, "кекса синьора" бугун 1/16 финалнинг илк учрашувида Франциянинг "Нант" жамоасига қарши майдонга тушади.
“Ишончим комилки, “Ювентус” Европа лигасида ғалаба қозона олади. Жамоа номи ўзи учун гапиради. Уларда жуда юқори савиядаги футболчилар бор. Европа лигасида ғалаба қозониш Чемпионлар лигаси учун ўзига хос машғулотдир. “Вильярреал”даги саёҳатимни эсланг”, - деди Эмери матбуот анжуманида.
Европа Лигасидаги ғалаба “кекса синьора”га келаси мавсумда Чемпионлар лигасига йўл олиш имконини бериши мумкин.
