«Челси» марказий ҳимоячиси Калиду Кулибали лондонликларнинг собиқ бош мураббийи Томас Тухель ҳақида гапирди.
«2018 йилда «Наполи» ва «ПСЖ» ўртасида ўйинлар бўлиб ўтганида, иккала баҳс ҳам дуранг билан якунланганди.
Учрашувлардан биридан кейин Тухель билан гаплашдик ва у мени табриклади ва ажойиб футболчи эканлигимни айтди.
Кейинроқ у мени «ПСЖ»га тортмоқчи бўлди. Бу содир бўлмади, лекин ўтган ёзда «Челси»га ўтдим. У жуда ғайратли эди ва мен ҳам у билан ишлашдан хурсанд бўлдим, афсуски, бу узоқ давом этмади.
У «Челси»га келишим учун жуда катта ҳисса қўшди ва мен унга бундай имконият учун раҳмат айтишим керак», - дея Кулибалининг сўзларини келтиради журналист Алфредо Педулла.
