«Монако» устози Филипп Клеман Европа лигаси плей-офф босқичида «Байер»га қарши сафар учрашувида (3:2) қандай ғалаба қозонгани ҳақида фикр билдирди.
«Қизиқарли ўйин бўлишини кутгандим. Шундай бўлди, иккала жамоа ҳам ғалаба қозониш учун ўйнади.
Танаффусгача яхши футбол ўйнадик ва рақибга қараганда кўпроқ голли вазиятлар яратдик. «Байер» иккинчи бўлимни кучли бошлади.
Улар тезкор гол эвазига қўшимча кучга эга бўлишди. Футболчиларим билан жуда фахрланаман. Улар ғалаба учун бор кучларини бериб, ўзгача психология орқали ёндашдилар.
Ҳар бир учрашувда жамоамдан шундай ўйин кўришни истардим», - деди Клеман «Монако» матбуот хизматига.
