"ПСЖ" ёзги трансфер ойнасида ҳужумчи Неймарни сотмоқчи. Матбуотда бразилиялик юлдузнинг хизматлари Англия Премьер-лигасининг бир қатор топ-клубларига таклиф қилингани ҳақида маълумотлар тарқалди.
Бироқ Неймарнинг ҳар қандай эҳтимолий трансферида муаммо бор. Ҳозирча ҳеч қайси клуб бразилиялик футболчига йилига 37 миллион евро тўлашга тайёр эмас. Бу ҳақда журналист Кристиан Фальк CaughtOffside рукнида ёзган.
Эслатиб ўтамиз, "ПСЖ" 2017 йилда Неймар трансфери учун "Барселона"га 222 миллион эвро тўлаганди. Бу футбол тарихидаги рекорд трансфер ҳисобланади.
31 ёшли Неймар 2022/2023-йилги мавсумда 28 та ўйинда 17 та гол урди ва 16 та голли узатмани амалга оширди.
