"PSJ" yozgi transfer oynasida hujumchi Neymarni sotmoqchi. Matbuotda braziliyalik yulduzning xizmatlari Angliya Premyer-ligasining bir qator top-klublariga taklif qilingani haqida ma’lumotlar tarqaldi.
Biroq Neymarning har qanday ehtimoliy transferida muammo bor. Hozircha hech qaysi klub braziliyalik futbolchiga yiliga 37 million yevro to‘lashga tayyor emas. Bu haqda jurnalist Kristian Falk CaughtOffside ruknida yozgan.
Eslatib o‘tamiz, "PSJ" 2017 yilda Neymar transferi uchun "Barselona"ga 222 million evro to‘lagandi. Bu futbol tarixidagi rekord transfer hisoblanadi.
31 yoshli Neymar 2022/2023-yilgi mavsumda 28 ta o‘yinda 17 ta gol urdi va 16 ta golli uzatmani amalga oshirdi.
