«Тоттенхэм» раҳбарияти бош мураббий Антонио Контенинг «Милан» билан бўладиган Чемпионлар лигаси 1/8 финал жавоб ўйини олдидан қайтишига умид қилмоқда, аммо италиялик мутахассисни бунга мажбурламайди. Бу ҳақда The Telegraph нашри хабар бермоқда.
Манбага кўра, Конте 19 февраль куни бўлиб ўтадиган «Вест Хэм»га қарши ўйинни аниқ ўтказиб юборади ва катта эҳтимол билан «Тоттенхэм»ни «Челси» ва «Шеффилд Юнайтед» билан ўйинларда ҳам бошқара олмайди.
Шунингдек, италиялик 8 март куни бўлиб ўтадиган «Милан» билан ўйингача тикланиш учун «Вулверхэмптон» билан учрашувни ўтказиб юбориши мумкин.
