Ганалик ҳужумчи Кристиан Атсу Туркиядаги зилзиладан кейин вайроналар остидан ўлик ҳолда топилди.
Африкалик аввалроқ ўйнаган Лондоннинг «Челси» клуби футболчининг вафоти муносабати билан ҳамдардлик билдирди.
«Челси» клуби Атсу Туркиядаги даҳшатли зилзила қурбони бўлганини катта қайғу билан қабул қилди.
Клубимиз Кристианнинг оиласи ва яқинларига ҳамда ушбу фожиада жабрланганларнинг барчасига ҳамдардлик билдиради», - дейилади Лондон клуби баёнотида.
Атсу 31 ёшида вафот этди. Унинг сўнгги иш жойи «Ҳатайспор» эди. Гана терма жамоаси таркибида у 65 ўйин ўтказиб, ўнта гол урган.
