«Севилья» аргентиналик марказий ҳимоячи ва «Сан-Лоренсо де Альмагро» сардори Федерико Гаттонини сотиб олганини расман эълон қилди.
Қайд этилишича, янги футболчи клубга 1,4 миллион еврога тушган. 24 ёшли футболчининг «Севилья» билан шартномаси 2027 йилнинг 30 июнига қадар тузилган.
Гаттони жамоага 2023 йилнинг ёзида келиб қўшилади ва шу вақтгача у ватани «Сан-Лоренсо»да ижара асосида ўйнашда давом этади.
«Сан-Лоренсо» таркибида Гаттони 70 та ўйин ўтказиб, 6 та гол ва 3 та голли узатмани амалга оширган.
«Севилья» 24 очко билан Испания чемпионатида 12-ўринда бормоқда.
