"Реал Мадрид" ярим ҳимоячиси Орельен Тчуаменининг "Ливерпуль"га қарши Чемпионлар лигасининг ⅛ финали биринчи ўйинида иштирок этиши сўроқ остида эмас. Diario AS хабарига кўра, франциялик футболчи "Энфилд"даги биринчи ўйинда майдонга тушишга тайёр бўлади.
Эслатиб ўтамиз, аввалроқ Тчуамени бугун "Реал"га Испания чемпионатининг "Осасуна"га қарши сафар ўйинида ёрдам бермаслиги маълум бўлганди. Футболчи гриппга чалинган ва унга касалликни даволаш учун вақт берилади.
Тчуамени ёзда “Монако”дан 80 миллион евро эвазига “Реал”га ўтган эди. Ярим ҳимоячи аллақачон Карло Анчелотти жамоасида бошланғич таркиб футболчисига айланган. Испания чемпионатининг жорий мавсумида унда иккита голли узатмаси бор.