Мадриднинг “Реал” клуби ёзда шартномаси ниҳоясига етадиган ярим ҳимоячиси Дани Себальосни жамоада сақлаб қолишга тайёр. El Mundo хабарига кўра, "қироллик клуби" футболчига янги шартнома таклиф қилишга тайёр, аммо ҳозирги мақомини ўзгартирмаган ҳолда.
Демак, раҳбарият Себальосга кейинги мавсумда асосий ўйинчи ролини кафолатламайди. Худди шунингдек, клуб Себальосни маошини оширмоқчи эмас. Данига ҳозиргидек шартлар асосида шартнома таклиф қилинади. Футболчи жамоада қолиш-қолмаслигини ҳал қилиши керак.
Сўнгги ҳафталарда Себальос "Реал Мадрид"нинг асосий таркибида бир нечта ўйин ўтказишга муваффақ бўлди. Дани ҳисобига Испания чемпионатининг жорий мавсумида битта голли узатма амалга оширган.
