Англия Премьер-лигасининг 24-туридан ўрин олган ўйинда "Эвертон" "Лидс"ни минимал ҳисобда мағлуб этди. "Эвертон" бош мураббийи Шон Дайч ўйин ҳақида фикр билдирди.
"Мен жуда мамнунман, футболчилардан ҳаракат қилишларини сўрадим, улар буни қилишди. Менимча, биз рақибни майдонда ортга қайтишига йўл қўймай, яхши чегаралаб олдик. “Ливерпул”га қарши ўйинда ҳам яхши ўйнадик, лекин иккита хатога йўл қўйиб, гол ўтказиб юборгандик. Ўз майдоннингда деворлар кўп ёрдам беради, биз уй стадионимиз қалъамизга айланишини истаймиз" - деди Дайч BBC Sport билан суҳбатда.
