"Ювентус" ярим ҳимоячиси Адриен Рабьо келажаги ҳақида гапирди. Франциялик футболчининг амалдаги шартномаси жорий мавсум охиригача ҳисобланган.
“Мен “Ювентус”даман ва ҳозирда бор эътиборимни навбатдаги ўйинларга қаратганман. Ҳозир мен шартномам ҳақида ўйламайман - келинг, яқин ойларда музокаралар қандай кечишини кўрамиз", - дея Рабьонинг сўзларини ижтимоий тармоқларда инсайдер Фабрицио Романо келтирган, Sky нашрига таяниб.
Аввалроқ, Адриен Рабьо янги шартнома бўйича музокаралар доирасида "Ювентус"дан 10 миллион евро маош талаб қилаётгани хабар қилинганди. Шунингдек, Рабьонинг Премьер-лигада ўйнаш истаги ҳақидаги маълумотлар матбуотда мунтазам равишда чиқиб туради.
