"Yuventus" yarim himoyachisi Adriyen Rabyo kelajagi haqida gapirdi. Fransiyalik futbolchining amaldagi shartnomasi joriy mavsum oxirigacha hisoblangan.
“Men “Yuventus”daman va hozirda bor e’tiborimni navbatdagi o‘yinlarga qaratganman. Hozir men shartnomam haqida o‘ylamayman - keling, yaqin oylarda muzokaralar qanday kechishini ko‘ramiz", - deya Rabyoning so‘zlarini ijtimoiy tarmoqlarda insayder Fabrisio Romano keltirgan, Sky nashriga tayanib.
Avvalroq, Adriyen Rabyo yangi shartnoma bo‘yicha muzokaralar doirasida "Yuventus"dan 10 million yevro maosh talab qilayotgani xabar qilingandi. Shuningdek, Rabyoning Premyer-ligada o‘ynash istagi haqidagi ma’lumotlar matbuotda muntazam ravishda chiqib turadi.
