Италия А Сериясининг йигирма учинчи турида «Лацио» «Салернитана» билан ўйинда меҳмонда ғалаба қозонди, иккала гол ҳам учрашувнинг иккинчи ярмида римликлар томонидан киритилди.
Иккала гол ҳам «Лацио» ҳужумчиси Чиро Иммобиле томонидан киритилди. Энди уннг Италия А Сериясида урилган голлар сони 190 тага етди.
Ушбу кўрсаткичга кўра, «Лацио» етакчиси лига тарихидаги энг яхши тўпурарлар рўйхатида саккизинчи ўринга кўтарилиб олди.
У ушбу поғонани «Ювентус», «Фиорентина» ва «Милан»нинг афсонавий швециялик ҳужумчиси Курт Хамрин билан бўлишиб турибди.
Иммобиле 2016 йилдан буён «Лацио» сафида тўп тепади.
