Якшанба куни «Реал» ҳужумчиси Карим Бензема жамоа билан машғулот ўтказди.

Аввалроқ, Бензема Ла Лига доирасидаги «Осасуна»га (2:0) қарши ўйинни кичик ноқулайлик туфайли ўтказиб юборганди.

Катта эҳтимол билан француз Чемпионлар лигасининг 1/8 финали учун қайдномага киритилади. Ферлан Менди ҳам аввалроқ умумий гуруҳга қайтганди, бироқ унинг кейинги ўйиндаги иштироки ҳали номаълум.

Тони Кроос ва Тчуамени касаллик туфайли машғулот ўтказмади. Уларнинг «Ливерпуль» билан ўйиндаги иштироки ҳамон сўроқ остида.

Мадриднинг «Реал» клуби 21 февраль, сешанба куни «Энфильд»да «Ливерпуль» билан Чемпионлар лигаси 1/8 финалидаги илк ўйинини ўтказади. Жавоб баҳси эса 15 март куни «Сантьяго Бернабеу»да бўлиб ўтади.