"ПСЖ" ҳужумчиси Неймар яқинда ижтимоий тармоқларда "Макдональдс"даги сурати пайдо бўлгач, танқидларга учради. Сурат бразилияликнинг дўстларидан бири томонидан Чемпионлар лигаси 1/8 финалининг биринчи ўйинида “ПСЖ”нинг “Бавария”дан мағлуб бўлганидан (0:1) тахминан бир кун ўтиб чоп этилган.
Франциялик таниқли собиқ футболчи Тьерри Анри вазиятга изоҳ берди.
“Унинг дўстлари суратни жойлаштирганми? Бундай дўстлар билан душманлар керак эмас”, деди Анри.
Эслатиб ўтамиз, Франция чемпионатида якшанба куни "Лилль"га қарши ўйинда ("ПСЖ" 4:3 ҳисобида ғалаба қозонган) Неймар тўпиғидан жиддий жароҳат олди.
