Бразилия терма жамоаси ҳужумчиси Неймар ёзги трансфер ойнасида "ПСЖ"ни тарк этиши мумкин.
Football Insider нашри хабарига кўра, 31 ёшли жанубий америкалик футболчи фаолиятини Англия Премьер-лигасида давом эттириш имкониятига эга. Ҳужумчига “Ливерпуль” билан шартнома имзолаш таклифи тушди.
Манбага кўра, келишувни якунлаш учун "мерсисайдликлар" Неймарнинг трансфери учун тахминан 80-90 миллион евро тўлашлари керак бўлади. Бразилиялик ҳужумчини "Ливерпул"дан ташқари Лондоннинг "Челси" клуби ҳам қўлга киритиши мумкин.
Ҳужумчи 2017 йилдан бери "ПСЖ"да тўп суради. Неймарнинг парижликлар билан амалдаги шартномаси 2025 йилнинг ўрталарига қадар тузилган.
