Мадриднинг "Реал" клубида ўйнаган бразилиялик машҳур ҳимоячи Марсело фаолиятини Саудия Арабистони чемпионатида давом эттириши мумкин.
Relevo нашрининг ёзишича, "Ан-Наср" эркин агентга айланган бразилиялик футболчи билан шартнома имзолашга қизиқмоқда. Томонлар дастлабки музокараларга киришди.
Ушбу трансферга Марселонинг "Реал"даги собиқ жамоадоши Криштиану Роналдунинг шахсан ўзи қизиқмоқда. Айни дамда бразилиялик футболчи "Олимпиакос"ни тарк этиб, эркин агент мақомида.
34 ёшли жанубий америкалик футболчи жорий мавсумда Греция чемпионатида ўнта ўйин ўтказиб, учта гол урди.
