Франкфуртнинг “Айнтрахт” клуби бош мураббийи Оливер Гласнер Чемпионлар лигаси 1/8 финали биринчи ўйинида “Наполи”дан учралган мағлубият ҳақида гапирди. Немис клуби ўз майдонида 0:2 ҳисобида мағлуб бўлди.
"Рақиб ярим соатни ажойиб ўтказди ва бу вақт ичида у максимал даражада ўйнади. Бу вақт ичида кўп хатоларга йўл қўйдик. Кейин футболчимизнинг четлатишилишидан кейин уларга қаршилик кўрсатиш қийин бўлди. Бундай шароитда 0:2 ҳисоби унчалик ёмон натижа эмас. Бизда олдинга бориш учун ҳали имконият бор. Имкониятлар кичик, аммо улар бор", - деди Гласнер УЕФА матбуот хизматига.
Жавоб ўйини 15 март куни Неаполда бўлиб ўтади.
