"Манчестер Юнайтед" устози Эрик тен Хаг муҳим учрашувлар олдидан Алекс Фергюсон билан кечки овқатни бирга уюштирди. Нидерландиялик мутахассис афсонавий шотландиялик мураббий билан ўтказган вақтли ҳақидаги таассуротлари билан ўртоқлашди.

"Мен ҳар доим катта билим ва тажрибага эга бўлганлар билан мулоқот қилишдан мамнунман. У уларни баҳам кўришни хоҳлайди. У "Манчестер Юнайтед"ни ўзининг клуби деб билади. У ўз ишига садоқатли ва муваффақиятга эришишимизни хоҳлайди. Бу ажойиб оқшом эди. Мен кейингисини интиқлик билан кутяпман" - деди Тен Хаг журналистларга.

Пайшанба куни “Манчестер Юнайтед” Европа лигаси жавоб учрашувини “Барселона”га қарши ўтказади. Кейин эса жамоани "Ньюкасл"га қарши Лига кубоги финали кутмоқда.