"Лейпциг" бош мураббийи Марко Розе марказий ҳимоячи Йошко Гвардиолнинг келажаги ҳақидаги саволга жавоб берди.
21 ёшли хорватиялик футболчи Чемпионлар лигаси 1/8 финали доирасидаги “Манчестер Сити”га қарши ўйинда (1:1) “буқалар”ни қутқарувчи голга муаллифлик қилди. Гвардиолга узоқ вақтдан бери Европа футболи гигантлари қизиқиб келган, аммо Розе ўз жамоасининг юлдузини қўйиб юборишга шошилмаяпти.
“Йошко кейинги мавсумда ҳам “Лейпциг” футболчиси бўлади. Мен мураббийман ва бу менинг илтимосим, - дейди мутахассис.
- У клубимиздаги ҳамма нарсадан мамнун. Ҳа, у Англия Премьер-лигасида ўйнашни истаётганини айтди, лекин бу айнан қачон содир бўлиши кераклигини аниқламади! - деди Розе.
