"Барселона" бош мураббийи Хави Эрнандес ҳозирда Англия Премьер-лигасидаги жамоани бошқариш ҳақида ўйламаслигини тан олди.
Эслатиб ўтамиз, испаниялик бир йилдан кўпроқ вақт давомида "Барселона" клубида ишлаб келмоқда.
“Англия Премьер-лигаси клубларига мураббийлик қилишми? Бу менинг кейинги қадамим бўладими? Ҳозир мен бу ҳақда ўйламайман. Мен эндигина “Барселона”да иш бошлаганман. Бу клубни бошқариш имконияти менга жуда эрта пайдо бўлганини ҳис қиляпман. Бу ажойиб", - деди Хави матбуот анжуманида.
Хави бошчилигида “Барселона” айни дамда Испания чемпионати турнир жадвалида “Реал”ни 8 очкога ортда қолдириб, пешқадамлик қилмоқда.
