Розиябону Юсупова ва Зилола Раҳматова аёллар ўртасидаги CAFA U-17 мусобақасида иштирок этишади.
Жорий йилнинг 10 март куни Тожикистоннинг Ҳисор шаҳрида аёллар ўртасида CAFA U-17 халқаро турнири старт олади. 17 мартгача давом этадиган мусобақада 17 ёшгача бўлган Марказий Осиё аёллар терма жамоалари ғолиблик учун баҳс олиб боришади.
Эътиборли томони, ФИФА ҳакамларимиз — Розиябону Юсупова (бош ҳакам) ва Зилола Раҳматова (ёрдамчи ҳакам) мазкур мусобақадага жалб этилишган.
Ўйинлар Ҳисор шаҳрида жойлашган «Марказий» стадионида ўтказилади.