"Ливерпуль"нинг собиқ бош мураббийи Рафаэль Бенитес "Барселона" афсонаси Дани Алвес 2006 йилнинг ёзида "қизиллар" сафига қўшилиши мумкинлигини айтди.
Бразилиялик футболчининг "Севилья"дан трансфери жуда яқин эди, аммо "Ливерпуль" бюджет чекловларига дуч келди. Шу боис клуб ҳужумчи Дирк Куйтга сармоя киритишга қарор қилди, деб ёзади Goal.
Натижада “Ливерпуль” Куйт билан шартнома имзолади – нидерландиялик футболчи “қизиллар” сафида 51 та гол урди.
Кейин Алвес "Барселона"га ўтди ва у билан бирга кўплаб ички ва халқаро совринларни қўлга киритди.
