"Челси" ярим ҳимоячиси Кристиан Пулишич жамоа билан машғулотларга қайтди. Журналист Низар Кинселла хабарига кўра, америкалик футболчи 4 март куни "Стэмфорд Бриж"да "Лидс"га қарши ўйингача тикланиш учун ҳаракат қилмоқда.
Эслатиб ўтамиз, январь ойи бошида Пулишич жароҳат олиб, бир ярим ойга сафдан чиққан эди. Ушбу жароҳат "аристократлар" раҳбариятининг америкаликни сотиш режаларига тўсқинлик қилди. Аввалроқ, футболчининг хизматларига "Ньюкасл" қизиқаётган эди.
Пулишич "Челси"да 2019 йилнинг ёзидан, Дортмунднинг "Боруссия"сидан кўчиб ўтганидан бери ўйнамоқда. Ҳозирда Кристианнинг Англия Премьер-лигасида бир голи ва бир голли узатмаси бор.