Ҳуқуқлари Мёнхенгладбахнинг "Боруссия" клубига тегишли бўлган франциялик ярим ҳимоячи Куадио Коне Европанинг икки топ-клуби манфаатлари доирасига тушиб қолди. Бу ҳақда инсайдер Николо Скиранинг ижтимоий тармоқларида хабар берилди.
Манбага кўра, 21 ёшли футболчи учун Франциянинг “ПСЖ” ва Англиянинг “Ливерпуль” клублари кураш олиб боради. Transfermarkt портали Коуадионинг нархини 25 миллион еврога баҳоламоқда. Унинг клуб билан шартномаси 2025 йилнинг ўрталарига қадар тузилган.
Ярим ҳимоячи жорий мавсумда 21 та ўйинда майдонга тушиб, 1 та гол ва 1 та голли узатмага муаллифлик қилган.
