"Манчестер Юнайтед"нинг собиқ ярим ҳимоячиси Пол Скоулз Каземиронинг жорий мавсумдаги ўйини ҳақида фикр билдирди. Эслатиб ўтамиз, бразилиялик футболчи "қизил иблислар" сафига ёзда "Реал"дан келиб қўшилган эди.
"Мен Каземирони ҳимоявий ярим ҳимоячи сифатида кўрмаяпман. У ҳамма жойда меҳнат қилади. У ҳам ҳимоя қилади, ҳам ҳужум қилади. Каземиро вақти-вақти билан ўйинни назорат қилади. У Рой Кинга жуда ўхшайди", - дея Скоулздан иқтибос келтиради UTD Plug.
Каземиро Англия Премьер-лигасининг жорий мавсумида 2 та гол урди ва 3 та голли узатмани амалга оширди. Ярим ҳимоячи "Реал" билан 5 карра Чемпионлар лигаси ғолиби ҳисобланади.
