"Арсенал" бош мураббийи Микель Артета Букайо Сака билан янги шартнома борасидаги музокаралар ҳақида гапирди. Эслатиб ўтамиз, ёш англияликнинг "канонирлар" билан шартномаси кейинги мавсум охирида якунига етади.
“Мен ҳозирча ҳеч нарса дея олмайман. Биз Букайони сақлаб қолмоқчимиз. Биз қилишимиз керак бўлган нарса - энг яхши ўйинчиларимизни сақлаб қолиш. Бизга ўз олдига юқори мақсадлар қўядиган одамлар керак”, деди Артета матбуот анжуманида.
Сака жорий мавсумда Премьер-лигада 9 та гол урди ва 8 та голли узатмани амалга оширди. 21 ёшли футболчи ҳозирда “канонирлар” сафидаги тўртинчи мавсумини ўтказмоқда.
